У Гомелі на плошчы Леніна можа з'явіцца 60-метровы флагшток. Дзяржаўныя органы адмаўляюцца раскрываць падрабязнасці праекта
| Строительство флагштокаНа сайце электронных таргоў абвешчаны конкурс на выбар арганізацыі для праектавання аб'екта: «Благоустройство площади Ленина с установкой флагштока в г. Гомеле». На працы па праектаванні запланавана вылучыць суму ў межах 30 000 рублёў. Ніякіх дакументаў, якія б далі інфармацыю аб тым, як можа змяніцца галоўная плошча, на сайце няма. 
Прадстаўніца Ўпраўлення капітальнага будаўніцтва Святлана Чарнышова, адказная за правядзенне тэндара, адмовілася паведаміць падрабязнасці праекта:
«Я не работаю с частными лицами! Я работаю только с подрядными организациям! Почему я должна вам что-то рассказывать? Позвоните в отдел строительства горисполкома!»
Званок у аддзел будаўніцтва гарвыканкама таксама не даў выніку:
«Я даже не знаю куда вам... Мы честно не знаем. Наберите, наверное, в УКС...»
У аддзеле архітэктуры і горадабудаўніцтва гарвыканкама таксама не змаглі нічога распавесці пра абвешчаны тэндар. 
Прыблізная візуалізацыя праекта
З нашых ананімных крыніц у гарвыканкаме стала вядома, што флагшток плануецца пабудаваць на плошчы Леніна на пляцоўцы каля Белтэлекаму. Мяркуецца, што высата флагштоку будзе дасягаць 60 метраў. Пацвердзіць гэтую інфармацыю ў мясцовых органах улады так і не атрымалася.
Пошукі старога Гомеля
